கழிவறையில் கடும் துர்நாற்றம்

திருச்சி சத்திரம் பஸ் நிலையத்தில் இருந்து தினமும் சமயபுரம், பெரம்பலூர் உள்பட பல்வேறு பகுதிகளுக்கு தினமும் ஏராளமான பஸ்கள் சென்று வருகின்றன. இதனால் பஸ் நிலையம் எப்போதும் பரபரப்பாக காணப்படும். இந்தநிலையில் சமயபுரம் செல்லும் வழித்தடத்தில் உள்ள ஆண்களுக்கு கழிவறை கடும் துர்நாற்றம் வீசி வருகிறது. இதனால் பயணிகள் கடும் அவதி அடைந்து வருகின்றனர். எனவே சம்பந்தப்பட்ட அதிகாரிகள் கழிவறையை சுத்தம் செய்ய நடவடிக்கை எடுக்க வேண்டும் என பயணிகள், சமூக ஆர்வலர்கள் கோரிக்கை விடுத்துள்ளனர்.