கழிவுநீரால் துர்நாற்றம்

சென்னை பெரம்பூர் ரெயில் நிலையத்திற்கு தினமும் ஏராளமான பயணிகள் வந்து செல்கின்றனர். ரெயில் நிலையத்தில் உள்ள 4-வது நடை மேடையில் உள்ள மேம்பாலத்தின் படிகள் மீது ஏற முடியாத முதியவர்கள் அவதிப்படுகின்றனர். இதனால் முதியவர்கள் சுரங்கப் பாதையை பயன்படுத்தி வருகின்றனர். இந்த சுரங்கப்பாதையில் சில தினங்களாக பராமரிப்பு பணிகள் செய்ய சுவற்றில் உள்ள டைல்ஸ் மற்றும் பாதையில் உள்ள தரையை இடித்து அகற்றும் வேலைகள் நடந்து வருகிறது. ஆனால் வேலை நடக்காமல் அந்தப் சுரங்க பாதையிலும் கழிவுநீர் மற்றும் மழைநீர் தேங்கி துர்நாற்றம் வீசி வருகிறது. இதனால் முதியவர்கள் இந்தப் பாதையை பயன்படுத்த சிரமப்பட்டு வருகின்றனர். எனவே, ரெயில்வே நிர்வாகம் உடனடியாக சீர் செய்ய நடவடிக்கை வேண்டும்.