ஆறுபோல் ஓடும் கழிவுநீர்

சென்னை மாதவரம், குரு ராகவேந்திராநகர் சீதாபதி 16-வது தெருவில் உள்ள வீடுகள் முன்பு கழிவுநீர் ஆறுபோல் ஓடுகிறது. மேலும், அந்த பகுதியில் ஆறுபோல் ஓடும் கழிவுநீரால் பயங்கர துர்நாற்றம் வீசுகிறது. இதனால் அந்த பகுதி மக்களுக்கு நோய் தொற்று பரவும் அபாயம் உள்ளது. இதுகுறித்து துறை அதிகாரிகளிடம் பலமுறை புகார் அளித்தும் எந்ந நடவடிக்கையும் எடுக்கவில்லை. இதேபோல, சீதாபதி 15 மற்றும் 16-வது தெருக்களில் உள்ள மின்விளக்குகள் 24 மணி நேரமும் எாிந்து கொண்டிருக்கிறது. அந்த மின்விளக்குகளை அணைப்பதற்கு மாநகராட்சி சார்பில் ஆட்களை பணியமர்த்த வேண்டும். மாநகராட்சி அதிகாரிகள் இந்த பிரச்சினைக்களுக்கு உரிய நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.