சுகாதார சீர்கேடு

தஞ்சை மாவட்டம் பட்டுக்கோட்டை பஸ் நிலையத்தில் கழிவுநீர் தேங்கி கிடக்கிறது. இதனால் அந்த பகுதி முழுவதும் துர்நாற்றம் வீசுகிறது. இதனால் பஸ் நிலையத்துக்கு வருபவர்கள் மூக்கை மூடியபடி சென்று வருகின்றனர். குறிப்பாக பள்ளி மாணவ-மாணவிகள், வேலைக்கு செல்பவர்கள் மிகவும் அவதிக்குள்ளாகி வருகின்றனர். பஸ் நிலையத்தில் தேங்கி கிடக்கும் கழிவுநீரால் சுகாதார சீர்கேடு ஏற்பட்டு தொற்று நோய் பரவும் அபாயம் ஏற்பட்டுள்ளது. எனவே, சம்பந்தப்பட்ட அதிகாரிகள் மேற்கண்ட பிரச்சினைக்கு உரிய தீர்வு காண வேண்டும் என்பதே பொதுமக்களின் எதிர்பார்ப்பாகும்.