கழிவுநீர் கால்வாயை தூர்வார வேண்டும்

சிதம்பரம் வா.உ.சி. தெரு, சக்கரவர்த்தி சிலை அருகில் உள்ள கழிவுநீர் கால்வாய் மீது மணல் போட்டு நிரப்பி விட்டதால் கழிவுநீர் வழிந்தோட முடியாமல் நிரம்பி அருகில் உள்ள வீடு மற்றும் கடைகளுக்குள் புகுந்து விடுகிறது. மேலும் அதில் குப்பைகளும் அதிக அளவில் கொட்டப்பட்டு வருகிறது. இதனால் துர்நாற்றம் வீசுவதோடு சுகாதார சீர்கேடு ஏற்படும் அபாயம் உள்ளது. எனவே பொதுமக்கள் நலன் கருதி கழிவுநீர் கால்வாயை தூர்வாருவதோடு, குப்பைகளை கொட்டுவதற்கு மாற்று இடத்தை ஏற்பாடு செய்ய நகராட்சி நிர்வாகம் நடவடிக்கை எடுக்க வேண்டும்.