சாக்கடை கால்வாய் அமைக்க வேண்டும்

பழனியை அடுத்த சிவகிரிபட்டி ஊராட்சி 2-வது வார்டு பகுதியில் சாக்கடை கால்வாய் அமைக்கப்படவில்லை. வரப்பு போன்று தோண்டப்பட்ட இடத்தில் கழிவுநீர் செல்கிறது. மேலும் தார்சாலையும் இல்லை. இதனால் மழைக்காலத்தில் தெருவில் மழைநீருடன் கழிவுநீரும் கலந்து தேங்கி நிற்கிறது. இதனால் அப்பகுதியில் துர்நாற்றம் வீசுவதுடன், கொசுப்புழுக்கள் உற்பத்தியும் அதிகமாக உள்ளது. இதனால் அப்பகுதி மக்கள் அவதிப்படுகின்றனர். எனவே சாக்கடை கால்வாய் அமைப்பதுடன் தார்சாலை வசதியும் செய்து தர வேண்டும்.