சுகாதார சீர்கேடு

விருதுநகர் மாவட்டம் ராஜபாளையம் தாலுகா சேத்தூர் பேரூராட்சி 17-வது வார்டு ஜீவாநகரில் உள்ள பள்ளிவாசல் அருகே பல தெருக்களில் இருந்து வரும் கழிவுநீர் குளம் போல் தேங்கியுள்ளது. இதனால் இந்த பகுதியில் உள்ள பொதுமக்கள் கழிவுநீரில் நடந்து செல்லும் நிலை உள்ளது. இதன் காரணமாக இந்த பகுதி மக்களுக்கு தொற்று நோய் ஏற்படும் அபாயம் உள்ளது. எனவே இந்த பகுதியில் முறையான வாருகால் அமைத்து கழிவுநீர் தேங்குவதை சரிசெய்ய வேண்டும்.