திருச்சி மாவட்டம் உப்பிலியபுரம் நாகநல்லூர் ஊராட்சியில் ஊரக வளர்ச்சி மற்றும் ஊராட்சித் துறை சார்பில் ஒன்றிய பொது நிதியிலிருந்து ரூ.8 லட்சம் செலவில் குடிநீர் சுத்திகரிப்பு நிலையம் கட்டப்பட்டது. இந்த சுத்திகரிப்பு நிலையம் கட்டி முடிக்கப்பட்டு ஒரு வருடமாகியும் இன்னும் பொதுமக்கள் பயன்பாட்டிற்கு கொண்டு வரப்படாமல் உள்ளது. இதனால் இப்பகுதி மக்கள் குடிநீருக்காக மிகவும் சிரமம் அடைந்து வருகின்றனர். மேலும் சுத்திகரிப்பு நிலைய உபகரணங்கள், உதிரி பாகங்கள் பயன்படுத்தப்படாமலே செயலிழக்க வாய்ப்பு உள்ளது. எனவே சம்பந்தப்பட்ட துறை அதிகாரிகள் இப்பகுதி மக்களின் நலன்கருதி இந்த குடிநீர் சுத்திகரிப்பு நிலையத்தை பொதுமக்கள் பயன்பாட்டுக்கு கொண்டுவர நடவடிக்கை எடுக்க வேண்டும் என கேட்டுக்கொள்கிறோம்.