தஞ்சை பழைய பஸ் நிலையத்தில் பயணிகள் வசதிக்காக பொது கழிப்பிடம் அமைக்கப்பட்டது. இங்குள்ள கழிப்பறைகள் முறையான பராமரிப்பின்றி இருக்கிறது. இதனால் பயணிகள் முகம் சுழித்தபடி சென்று கழிப்பறைகளை பயன்படுத்த வேண்டிய நிலை உள்ளது. கழிவுநீர் தேங்கி கழிப்பறைகளில் இருந்து துர்நாற்றம் வீசுவதால் சுகாதார சீர்கேடு ஏற்படுகிறது. எனவே, சம்பந்தப்பட்ட அதிகாரிகள் ஆய்வு செய்து பொது கழிப்பிடத்தை முறையாக பராமரிக்க நடவடிக்கை எடுக்க வேண்டும்.