திருவள்ளூர் மாவட்டம் திருவேற்காடு, கோலடி கிராமத்தில் நவீன எரிவாயு தகன மேடை உள்ளது. இந்த தகன மேடை அருகே கழிவுநீர் ஓடுவதால் பயங்கர துர்நாற்றம் வீசுகிறது. மேலும் அருகில் குப்பைகள் மலைபோல் கொட்டப்பட்டுள்ளது. இதனால் அந்த பகுதியில் மிகப்பெரிய சுகாதார சீர்கேடு ஏற்பட்டுள்ளது. துர்நாற்றத்தால் அந்த பகுதி மக்கள் மிகவும் அவதி அடைகின்றனர். எனவே சம்பந்தப்பட்ட துறை அதிகாரிகள் குப்பைகளை அகற்றவும், இனிமேல் குப்பைகள் கொட்டாமல் தடுக்கவும் நடவடிக்கை எடுக்க வேண்டும்.