திருச்சி மாநகராட்சி வார்டு 47-க்கு உட்பட்ட ஜெய்லானியா மெயின் தெரு-மெயின் குறுக்கு தெரு வளையும் இடத்தில் சாலையின் நடுவே பாதாள சாக்கடை அமைக்கப்பட்டு உள்ளது. இவற்றில் அடைப்பு ஏற்பட்டால் அதனை சரி செய்யும் வகையில், மூடி அமைக்கப்பட்டு உள்ளது. இந்த நிலையில் இந்த மூடியானது தற்போது சிதிலமடைந்து காணப்படுகிறது. இதனால் இரவு நேரத்தில் இந்த வழியாக செல்லும் இருசக்கர வாகன ஓட்டிகள் இதில் வாகனத்தை விட்டு விபத்தில் சிக்கும் அபாயம் உள்ளது. எனவே இது குறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.