திருவள்ளூர் மாவட்டம் காரனோடை, ஜி.என்.டி சாலையில் இருந்து சர்வீஸ் ரோடு செல்லும் சாலை வரையில் இறைச்சி கழிவுகள் மற்றும் மருத்துவக் கழிவுகள் கொட்டப்படுகின்றன. இந்த கழிவுகளால் துர்நாற்றம் வீசுவதால் இந்த வழியாக செல்லும் வாகன ஓட்டிகள் பல்வேறு இன்னல்களுக்கு ஆளாகின்றனர். மேலும் மருத்துவ கழிவுகளால் தொற்று நோய் பரவும் அபாயம் உள்ளது. எனவே மாநகராட்சி அதிகாரிகள் கழிவுகளை அகற்ற உடனடி நடவடிக்கை எடுக்க வேண்டும்.