திருவள்ளூர் மாவட்டம் அத்திப்பட்டு கிராமத்தில் வீடுகளிலிருந்து வெளியேறும் கழிவு நீர் குடியிருப்புகளுக்கு அருகிலேயே தேங்கி வருவதால், அந்த இடம் புதைகுழி போன்று காட்சியளிக்கிறது. மேலும் துர்நாற்றம் வீசுவதோடு பூச்சிகளின் இருப்பிடமாகவும் மாறி வருகிறது. இந்த நிலை மேலும் தொடர்ந்தால் சுகாதார சீர்கேடு ஏற்பட்டு நோய் தொற்று பரவ வழிவகுத்துவிடும் என்பதால் குடிநீர்-கழிவுநீர் அகற்றும் வாரியம் கவனித்து நிரந்தர தீர்வு காண வேண்டும்.