திறந்து கிடக்கும் கழிவுநீர் வாய்க்கால்

திருச்சி மாநகராட்சி கிராப்பட்டி முஸ்லிம் குறுக்கு தெரு 3, 4 மற்றும் 5-வது தெருவில் சுமார் 150 வீடுகள் உள்ளன. இப்பகுதியில் மெயின் ரோட்டில் இருந்து மேற்படி சந்துக்களில் நுழையும் இடத்தில் கழிவுநீர் வாய்க்கால் செல்கிறது. இந்த கழிவுநீர் வாய்க்காலை சுத்தம் செய்யும் வகையில் கடந்த 5 மாதங்களுக்கு முன்பு கழிவுநீர் வாய்க்கால் மேல் போடப்பட்டு இருந்த சிலாப்கள் அகற்றப்பட்டன. ஆனால் பணி முடிந்த பிறகும் மீண்டும் சிலாப்புகள் பொருத்தப்படாமல் உள்ளது. திறந்த நிலையில் காணப்படுவதுடன், தெருக்களில் நுழையும் இடத்தில் மட்டும் பலகை அமைக்கப்பட்டுள்ளது. அந்த பலகையும் மக்கிப்போன நிலையில் உடையும் தருவாயில் உள்ளது. இதனால் இப்பகுதி மக்கள் பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.