ஏரியை சூழ்ந்த ஆகாயத்தாமரைகள்

ஓசூர்-ராயக்கோட்டை சாலையில் தேர்பேட்டை செல்லும் வழியில் பெரிய ஏரி உள்ளது. சுமார் 40 ஆண்டுகளுக்கு முன்பு வரை, நகர மக்கள் இந்த ஏரியில் தான் துணிகளை துவைக்க செல்வார்கள். அந்த வகையில் இந்த ஏரி, ஓசூர் மக்களுக்கு மிகவும் பயனுள்ளதாக இருந்தது. நாளடைவில் இந்த ஏரியை மக்கள் பயன்படுத்துவது குறைந்து போனது. ஏரியில் எப்போதும் தண்ணீர் நிறைந்து காணப்பட்டாலும் தற்போது நீண்ட காலமாக ஏரி முழுவதும் ஆகாயத்தாமரைகள் படர்ந்து ஏரியை முழுமையாக ஆக்கிரமித்து விட்டது. எனவே ஏரியை ஆக்கிரமித்துள்ள ஆகாயத்தாமரைகளை முழுவதுமாக அகற்ற சம்பந்தப்பட்ட அதிகாரிகள் நடவடிக்கை மேற்கொள்ள வேண்டும்.

-பொதுமக்கள், ஓசூர்.