சாலையில் தேங்கும் மழைநீர்

கிருஷ்ணகிரி மாவட்டம் அஞ்செட்டி தாலுகா நாட்றம்பாளையம் ஊராட்சிக்கு உட்பட்ட ஏத்தகிணறு கிராமத்தில் ஊராட்சி ஒன்றிய தொடக்கப்பள்ளி உள்ளது. இந்த பள்ளிக்கு செல்லும் சாலையில் ஒவ்வொரு முறை மழை பெய்யும் போதும் தண்ணீர் குளம் போல் தேங்கி நிற்கிறது. 30-க்கும் மேற்பட்ட பள்ளி குழந்தைகள், வாகன ஓட்டிகள், பெரியவர்கள் இந்த சாலையை தினமும் பயன்படுத்துகின்றனர். அந்த தேங்கிய தண்ணீர் வடிவதற்கு 20 முதல் 25 நாட்கள் ஆகின்றன. கடந்த 3 ஆண்டுகளாக இதே நிலைமை நீடிக்கின்றது. இதுகுறித்து பலமுறை புகார் அளித்தும் இதுவரை நடவடிக்கை எடுக்கவில்லை. சம்பந்தப்பட்ட அதிகாரிகள் உடனடி தீர்வு காண வேண்டும் என பொதுமக்கள் மற்றும் மாணவ, மாணவிகளின் பெற்றோர் கோரிக்கை விடுத்துள்ளனர்.

-பரமசிவம், ஏத்தகிணறு.