குடிநீர் குழாயில் உடைப்பு

நாகை மாவட்டம் வேளாங்கண்ணியை அடுத்த தெற்கு பொய்கைநல்லூர் பகுதி கொல்லன்திடல் அருகே கொள்ளிடம் கூட்டு குடிநீர் குழாயில் உடைப்பு ஏற்பட்டுள்ளது. இதன் காரணமாக அந்த பகுதியில் உள்ள பொதுமக்களுக்கு குடிநீர் கிடைப்பதில் சிக்கல் ஏற்பட்டுள்ளது. இதனால் பெண்கள், முதியவர்கள் நீண்ட தூரம் நடந்து சென்று குடிநீர் பிடித்து வருகின்றனர். அதுமட்டுமின்றி வேலைக்கு செல்பவர்கள், மாணவ-மாணவிகளும் மிகுந்த சிரமத்துக்குள்ளாகி வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் உடைப்பு ஏற்பட்டுள்ள குடிநீர் குழாயை சீரமைக்க நடவடிக்கை எடுப்பார்களா?