தாமதமாகும் கால்வாய் பணி

அரியலூர் மாவட்டம், ஜெயங்கொண்டம் கடை வீதியில் ஏராளமான கடைகள் மற்றும் வீடுகள் உள்ளன. இவற்றில் இருந்து வெளியேறும் கழிவுநீர் செல்லும் வகையில் சாலையோரத்தில் கழிவுநீர் வாய்க்கால் அமைக்கும் பணி கடந்த 6 மாதங்களுக்கு முன்பு தொடங்கப்பட்டது. இந்த நிலையில் தற்போது வரை பணி முடிக்கப்படாமல் பள்ளம் தோண்டப்பட்டு உள்ளதால், போக்குவரத்து நெரிசல் மற்றும் பாதிப்பு ஏற்பட்டு வருகிறது. மேலும் கழிவுநீர் செல்ல வழி இன்றி ஆங்காங்கே தாழ்வான பகுதிகளில் தேங்கி நிற்பதினால் கடும் துர்நாற்றம் வீசுவதுடன் நோய் தொற்று பரவும் அபாயம் உள்ளது. எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுத்து கழிவுநீர் கால்வாய் அமைக்கும் பணியை விரைந்து முடிக்க வேண்டும் என கேட்டுக்கொள்கிறோம்.