தெருவில் ஓடும் கழிவுநீர்

காஞ்சீபுரம் மாவட்டம், பிள்ளையார் பாளையம் ஆவாகுட்டை தெருவில் பாதாள சாக்கடை உள்ளது. அதன் மூடியில் இருந்து கழிவுநீர் கடந்த சில நாட்களாக கசிந்து தெருவில் ஓடுகிறது. இதனால் அப்பகுதி முழுவதும் துர்நாற்றம் வீசுகிறது. மேலும் அப்பகுதியில் வாழும் பொதுமக்களுக்கு நோய் தொற்று பரவும் அபாயமும் உள்ளது. எனவே, இது குறித்து சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.