கழிவுநீர் செல்ல தடை

கோபியில் தெப்பக்குளம் வழியாக பஸ் நிலையத்துக்கு செல்லும் ரோடு உள்ளது. இந்த ரோட்டில் கீரிப்பள்ளம் ஓடையில் உள்ள பாலத்தை கடந்து செல்ல வேண்டும். அங்குள்ள ஓடையில் கழிவுநீர் செல்லும் வழியில் செடி, கொடிகள் வளர்ந்தும், ஆகாயத்தாமரைகள் படர்ந்தும் காணப்படுகிறது. இதனால் கழிவுநீர் செல்வதில் தடை ஏற்படுகிறது. இதன்காரணமாக கழிவுநீர் தேங்கி நிற்பதுடன், அந்த பகுதியில் ஒருவித துர்நாற்றமும் வீசுகிறது. மேலும் அந்த பகுதியில் தொற்று நோய்கள் பரவும் அபாயமும் ஏற்பட்டு உள்ளது. எனவே கழிவுநீர் செல்வதற்கு தடையாக உள்ள செடி, கொடிகள், ஆகாயத்தாமரைகளை அகற்ற அதிகாரிகள் நடவடிக்கை எடுக்க வேண்டும்.