நோய் பரவும் அபாயம்

தேனியில் உள்ள ராஜவாய்க்கால் பல ஆண்டுகளாக தூர்வாரப்படாமல் புதர்மண்டிக் கிடக்கிறது. வாய்க்காலில் மழைநீர் கூட செல்ல முடியாத அளவுக்கு பல இடங்களில் அடைப்பு ஏற்பட்டுள்ளது. சமீபத்தில் பெய்த மழையால், மழைநீர் செல்ல வழியின்றி பங்களாமேடு திட்டச்சாலையோரம் காலி இடத்தில் குளம்போல் தேங்கியது. இதனால் அங்கு தற்போது நோய் பரவும் அபாயம் உள்ளது. எனவே நோய் தடுப்பு நடவடிக்கைகள் மேற்கொள்ளவும், ராஜ்வாய்க்காலை தூர்வாரவும் சம்பந்தப்பட்ட அதிகாரிகள் நடவடிக்கை எடுக்க வேண்டும்.