பூட்டியே கிடக்கும் புதிய பூங்கா

சென்னை வரதராஜபுரம் பிரதான சாலையில் உள்ள குளத்தைச் சுற்றியுள்ள பகுதிகளைச் சீரமைத்து, சென்னை மாநகராட்சி சார்பில் புதிய பூங்கா ஒன்று அமைக்கப்பட்டது. ஆனால், பூங்காப் பணிகள் அனைத்தும் நிறைவடைந்து 2 மாதங்கள் ஆகியும், இதுவரை அது பொதுமக்கள் பயன்பாட்டிற்குக் கொண்டுவரப்படவில்லை. பூங்கா திறக்கப்படாததற்கான காரணம் தெரியாமல் அப்பகுதி மக்கள் ஏமாற்றமடைந்துள்ளனர். எனவே, மாநகராட்சி அதிகாரிகள் மூடிக்கிடக்கும் இந்த பூங்காவை விரைந்து திறந்து மக்கள் பயன்பாட்டிற்கு கொண்டுவர வேண்டும்.