கன்னியாகுமரி - Page 181

திற்பரப்பு பேரூராட்சிக்கு உட்பட்ட தும்பக்கோடு அலெக்சாண்டர்புரத்தில் விளையாட்டு ைமதானம் உள்ளது. இந்த மைதானத்தின் அருகில் அமைக்கப்பட்டிருந்த மின்கம்பம் சேதமடைந்து இரும்பு கம்பிகள் வெளியே தெரிந்த வண்ணம் காணப்பட்டது. இதுபற்றி ‘தினத்தந்தி’ புகார் பெட்டியில் செய்தி வெளியிடப்பட்டது. இதையடுத்து சம்பந்தப்பட்ட அதிகாரிகள் நடவடிக்கை எடுத்து சேதமடைந்த கம்பத்தை மாற்றி விட்டு புதிய கம்பத்தை அமைத்தனர். நடவடிக்கை எடுத்த அதிகாரிகளுக்கும், செய்தியை வெளியிட்ட தினத்தந்திக்கும் அந்த பகுதி மக்கள் நன்றி தெரிவித்தனர்.  

சீரமைக்கப்பட்டது

நாகர்கோவில் மாநகராட்சிக்கு உட்பட்ட சரக்கல்விளை சானல் கரையில் அமைந்துள்ள மின்கம்பத்தில் பொருத்தப்பட்டுள்ள விளக்கு சேதமடைந்து தொங்கியபடி காணப்படுகிறது. காற்றின் வேகத்தில் எப்போது வேண்டுமானாலும் அந்த வழியாக செல்வோர் மீது விழுந்து விபத்துகள் ஏற்படும் வாய்ப்புகள் இருந்தது. இதுபற்றி ‘தினத்தந்தி’ புகார் பெட்டியில் செய்தி வெளியிடப்பட்டது. இதையடுத்து சம்பந்தப்பட்ட அதிகாரிகள் நடவடிக்கை எடுத்து சேதமடைந்த விளக்கை அகற்றி விட்டு புதிய விளக்கை பொருத்தினர். நடவடிக்கை எடுத்த அதிகாரிகளுக்கும் செய்தியை வெளியிட்ட தினத்தந்திக்கும் அந்த பகுதிகள் மக்கள் நன்றி தெரிவித்தனர்.