கடலூர் &gt; மற்றவை

கடலூர் மாநகராட்சி பூங்கா அருகில் மீன் அருங்காட்சியகம் அமைக்கப்பட்டது. அதில் அழகிய வண்ண மீன்கள் உள்ளிட்ட பல்வேறு வகையான மீன்கள் வளர்க்கப்பட்டன. இதன் மூலம் பள்ளி, கல்லூரி மாணவர்கள் பயன்அடைந்து வந்தனர். தற்போது அவை எவ்வித செயல்பாடும் இன்றி மூடி கிடக்கிறது. எனவே மீண்டும் இந்த மீன் அருங்காட்சியகத்தை செயல்படுத்த மாவட்ட நிர்வாகம் நடவடிக்கை எடுக்க வேண்டியது அவசியம்.

ஆதரவு: 2

Enter Name and Email

Error in submitting

24 March 2024 6:02 PM GMT

பொதுமக்கள் | கடலூர்

#45521

மாடுகளால் விபத்துகள் அதிகரிப்பு

கடலூர் மாநகராட்சி பகுதியில் கால்நடைகள் அதிக அளவில் சுற்றித்திரிகின்றன. குறிப்பாக மாடுகள் முக்கிய சாலைகளில் படுத்து கிடக்கின்றன. இதனால் விபத்துகள் அதிகரித்து வருவதால் வாகன ஓட்டிகள் பெரும் சிரமம் அடைந்து வருகின்றனர். எனவே உயிரிழப்புகள் ஏதும் ஏற்படும் முன் சாலையில் சுற்றித்திரியும் கால்நடைகளை கட்டுப்படுத்த அதிகாரிகள் நடவடிக்கை எடுக்க வேண்டியது அவசியம்.

ஆதரவு: 5

Enter Name and Email

Error in submitting

10 March 2024 4:46 PM GMT

மாநகர மக்கள் | கடலூர்

#45123

பொதுமக்களை அச்சுறுத்தும் நாய்கள்

கடலூர் நேரு நகர், புதுக்குப்பம் பகுதிகளில் ஏராளமான தெரு நாய்கள் உலா வருகின்றன. இவைகள் சாலையில் தனியாக செல்லும் பொதுமக்களை விரட்டிச்சென்று கடிக்கின்றன. மேலும் இரு சக்கர வாகனங்களில் செல்பவர்களை துரத்திச் செல்வதால் அவர்கள் அச்சத்தில் நிலை தடுமாறி கீழே விழுந்து விபத்தில் சிக்கும் நிலை உள்ளது. எனவே பொதுமக்களை அச்சுறுத்தும் தெரு நாய்களை பிடித்து அப்புறப்படுத்த அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

10 March 2024 4:45 PM GMT

பொதுமக்கள் | கடலூர்

#45122

மதுப்பிரியர்களால் தொல்லை

கடலூர் மஞ்சக்குப்பம் மைதானத்தில் தினமும் மாலை 6 மணி முதல் இரவு வரை மதுப்பிரியர்கள் கூட்டம் கூட்டமாக அமர்ந்து மது அருந்துகின்றனர். இதனால் மாலை நேர மதுபாராக மஞ்சக்குப்பம் மைதானம் மாறி வருகிறது. இதில் சிலர் போதை தலைக்கேறியதும் அந்த வழியாக தனியாக செல்லும் பெண்களை கேலி செய்வதால் அவர்கள் அச்சப்படுகின்றனர். எனவே மதுப்பிரியர்களின் அத்துமீறல்களை கட்டுப்படுத்த போலீசார் நடவடிக்கை எடுக்க வேண்டும் என பொதுமக்கள் எதிர்பார்த்து வருகின்றனர்.

ஆதரவு: 0

Enter Name and Email

Error in submitting

3 March 2024 4:43 PM GMT

நகர மக்கள் | கடலூர்

#44958

சேதமடைந்த தடுப்புச்சுவர் சீரமைக்கப்படுமா?

கடலூர் அண்ணா மேம்பாலத்தின் ஒரு பகுதியில் உள்ள தடுப்புச்சுவர் சேதமடைந்து காணப்படுகிறது. இதனால் அந்த வழியாக வாகனங்களில் செல்பவர்களுக்கு பாதுகாப்பு இல்லாத நிலை ஏற்பட்டுள்ளது. எனவே உயிரிழப்புகள் ஏற்படும் முன் முன்னெச்சரிக்கை நடவடிக்கையாக சேதமடைந்த தடுப்புச்சுவரை சீரமைக்க அதிகாரிகள் நடவடிக்கை எடுக்க வேண்டும்.

ஆதரவு: 4

Enter Name and Email

Error in submitting

4 Feb 2024 1:54 PM GMT

பொதுமக்கள் | கடலூர்

#44184

மாற்றுத்திறனாளிகளுக்கு சாய்வு தள வசதி தேவை

கடலூர் மஞ்சக்குப்பம் பார்வையற்ற பள்ளி எதிரில் சிறுவர் பூங்கா உள்ளது. இந்த பூங்காவுக்கு மாற்றுத்திறனாளிகள், முதியவர்கள் எளிதில் சென்றுவரும் வகையில், அங்கு சாய்வு தள வசதி செய்து கொடுக்கப்படவில்லை. இதனால் அவர்கள் பூங்காவுக்கு செல்ல முடியாமல் பரிதவித்து வருகின்றனர். எனவே சாய்வு தள வசதி ஏற்படுத்தி கொடுக்க அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

14 Jan 2024 5:16 PM GMT

மாநகர மக்கள் | கடலூர்

#43723

பொது கழிப்பறை அமைப்பது அவசியம்

கடலூர் மஞ்சக்குப்பம் பழைய கலெக்டர் அலுவலகம் செல்லும் சாலையில் இருந்த பொது கழிப்பறை கட்டிடம் சேதமடைந்துள்ளதால், அந்த கட்டிடம் மூடப்பட்டது. இதனால் வெளியூர் மற்றும் வெளிமாவட்டங்களில் இருந்து வேலை நிமித்தமாக கடலூர் வரும் பொதுமக்கள் பெரிதும் அவதியடைந்து வருகின்றனர். எனவே சேதமடைந்த கட்டிடத்தை அகற்றிவிட்டு, பொது கழிப்பறை அமைக்க அதிகாரிகள் நடவடிக்கை எடுக்க வேண்டும் என்பதே பொதுமக்களின் எதிர்பார்ப்பாகும்.

ஆதரவு: 0

Enter Name and Email

Error in submitting

14 Jan 2024 5:15 PM GMT

மாநகர மக்கள் | கடலூர்

#43722

பொதுமக்களை அச்சுறுத்தும் தெருநாய்கள்

கடலூர் மஞ்சக்குப்பம் ராஜாம்பாள் நகரில் ஏராளமான தெருநாய்கள் சுற்றித்திரிகின்றன. இவை அப்பகுதி வழியாக தனியாக நடந்து செல்பவர்களை துரத்தி துரத்தி கடிக்கின்றன. மேலும் இருசக்கர வாகனங்களில் செல்பவர்களை துரத்திச் செல்வதால், வாகன ஓட்டிகள் அச்சத்திலேயே தவறி விழும் நிலைக்கு தள்ளப்பட்டுள்ளனர். எனவே பொதுமக்களை அச்சுறுத்தி வரும் தெருநாய்களை பிடித்து அப்புறப்படுத்த மாநகராட்சி நிர்வாகம் நடவடிக்கை எடுக்க வேண்டும்.

ஆதரவு: 1

Enter Name and Email

Error in submitting

7 Jan 2024 3:37 PM GMT

பொதுமக்கள் | கடலூர்

#43538

முன்பதிவு மையம் திறக்கப்படுமா?

கடலூரில் உள்ள அரசு போக்குவரத்து கழக முன்பதிவு மையம் திறக்கப்படாமல் பூட்டியே கிடக்கிறது. இதனால் அரசு பஸ்களில் சென்னை மற்றும் தொலைதூர நகரங்களுக்கு செல்வதற்கு பயணிகள் முன்பதிவு செய்ய பெரும் சிரமப்பட்டு வருகின்றனர். இது குறித்து புகார் அளித்தும் நடவடிக்கை எடுக்கப்படவில்லை. எனவே பயணிகள் நலன் கருதி பூட்டிக்கிடக்கும் அரசு போக்குவரத்து கழக முன்பதிவு மையத்தை மீண்டும் செயல்பாட்டுக்கு கொண்டு வர அதிகாரிகள் நடவடிக்கை எடுக்க வேண்டியது அவசியம்.

ஆதரவு: 0

Enter Name and Email

Error in submitting

7 Jan 2024 3:37 PM GMT

பொதுமக்கள் | கடலூர்

#43537

புதர்மண்டி கிடக்கும் ரெயில் நிலையம்

கடலூர் அருகே உள்ள கேப்பர் குவாரி ரெயில் நிலைய நடைபாதை புதர்மண்டி கிடக்கிறது. இதில் விஷஜந்துக்களின் நடமாட்டம் அதிகளவில் உள்ளதால், ரெயில் நிலையத்திற்கு வரவே பொதுமக்கள் அச்சப்படுகின்றனர். மேலும் ரெயில் நிலையத்தில் குடிநீர், மேற்கூரை உள்ளிட்ட எந்தவொரு அடிப்படை வசதிகளும் செய்து கொடுக்கப்படவில்லை. அதனால் நடைபாதையில் உள்ள செடிகொடிகளை அகற்றுவதோடு, ரெயில் நிலையத்தில் அனைத்து அடிப்படை வசதிகளும் செய்து கொடுக்க, ரெயில்வே நிர்வாகம் உரிய நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

31 Dec 2023 6:07 PM GMT

பொதுமக்கள் | கடலூர்

#43404

பள்ளிக்கு புதிய கட்டிடம் தேவை

ரெட்டிச்சாவடி அருகே கிளிஞ்சிக்குப்பம் ஊராட்சியில் இருந்த ஆதிதிராவிட நல அரசு தொடக்கப்பள்ளி சேதமடைந்த காரணத்தால் கடந்த 3 ஆண்டுகளுக்கு முன்பு இடிக்கப்பட்டது. ஆனால், தற்போது வரை புதிய கட்டிடம் கட்டித்தர அதிகாாிகள் நடவடிக்கை எடுக்கவில்லை. இதனால் தற்காலிகமாக அதே பகுதியில் உள்ள ஊராட்சி அலுவலகத்தில் மாணவர்களுக்கு வகுப்புகள் நடைபெறுகிறது. இதன் காரணமாக மாணவர்கள் சிரமம் அடைந்து வருகின்றனர். எனவே அரசு பள்ளிக்கு புதிய கட்டிடம் கட்டித்தர அதிகாாிகள் விரைந்து நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

31 Dec 2023 6:06 PM GMT

பொதுமக்கள் | கடலூர்

#43403

புகார்பெட்டி செய்தி எதிரொலி

கடலூர் புதுக்குப்பம் பகுதியில் உள்ள தெருமின்விளக்குகள் பழுதான காரணத்தால் எரியாமல் இருந்தது. இதனால் அப்பகுதி முழுவதும் இருளில் மூழ்கி கிடந்ததால், குற்றச்சம்பவங்கள் நடைபெறும் அபாயம் உருவானது. இதுகுறித்த செய்தி தினத்தந்தி புகார்பெட்டியில் வெளியானது. இதையடுத்து மின்வாரிய அதிகாரிகள் தெருமின்விளக்கை சீரமைத்து நடவடிக்கை மேற்கொண்டனர். இதில் மகிழ்ச்சி அடைந்த பொதுமக்கள் தினத்தந்திக்கும், அதிகாரிகளுக்கும் நன்றி தொிவித்தனர்.

ஆதரவு: 1