அம்பாசமுத்திரம் &gt; போக்குவரத்து

வீரவநல்லூர் மெயின் ரோட்டில் புதிதாக பயணிகள் நிழற்குடை கட்டப்பட்டது. எனினும் அங்கு எந்த பஸ்களும் நின்று செல்லாமல், பழைய பஸ் நிறுத்தத்திலேயே நின்று செல்கின்றன. இதனால் புதிய பயணிகள் நிழற்குைட பயன்பாடற்று காட்சிப்பொருளாக உள்ளது. எனவே புதிய பஸ் நிறுத்தத்தில் அனைத்து பஸ்களும் நின்று செல்வதற்கு அதிகாரிகள் ஏற்பாடு செய்ய வேண்டுகிறேன்.

ஆதரவு: 1

Enter Name and Email

Error in submitting

7 Jan 2024 10:06 AM GMT

லோகியா | அம்பாசமுத்திரம்

#43429

இருக்கைகள் இல்லாத நிழற்கூடம்

அம்பையில் தென்காசி ரோடு, பாபநாசம் ரோடு சந்திப்பு பஸ் நிறுத்த பயணிகள் நிழற்கூடத்தில் இரும்பாலான இருக்கைகள் சேதமடைந்த நிலையில் உள்ளன. இதனால் பயணிகள் பஸ்சுக்காக நீண்ட நேரம் காத்து நின்று அவதிப்படுகின்றனர். எனவே பயணிகள் நிழற்கூடத்தில் இருக்கைகள் அமைப்பதற்கு அதிகாரிகள் நடவடிக்கை மேற்கொள்ள வேண்டுகிறேன்.

ஆதரவு: 1

Enter Name and Email

Error in submitting

27 Sep 2023 12:22 PM GMT

தமிழ்வேந்தன் | அம்பாசமுத்திரம்

#40600

போக்குவரத்துக்கு இடையூறு

நெல்லை மாவட்டம் விக்கிரமசிங்கபுரம் நகராட்சி 3-வது வார்டு காந்திநகர் மேலத்தெருவில் இருந்து இருதயகுளம் மெயின் ரோட்டுக்கு செல்லும் வழியில் பேவர்பிளாக் சாலை அமைக்கப்பட்டது. அப்போது பாதையில் இருந்த பாறையை அகற்றாமல், அதைச்சுற்றிலும் சாலை அமைத்ததால், அந்த இடத்தில் குறுகலாக உள்ளது. இதனால் போக்குவரத்துக்கு இடையூறு ஏற்படுவதுடன் விபத்துகளும் நிகழ்கின்றன. எனவே பாதையை மறைத்த பாறையை அகற்றுவதற்கு அதிகாரிகள் நடவடிக்கை மேற்கொள்ள வேண்டுகிறேன்.

ஆதரவு: 0

Enter Name and Email

Error in submitting

17 May 2023 12:56 PM GMT

மலுக்காமலி | அம்பாசமுத்திரம்

#32794

அனைத்து பஸ்களும் நின்று செல்லுமா?

சேரன்மாதேவி அருகே கொழுமடை பஸ் நிறுத்தத்தில் சில டவுன் பஸ்களே நின்று செல்கின்றன. இதனால் அப்பகுதி மக்கள், மாணவ-மாணவிகள் அருகில் உள்ள செவலுக்கு சென்று, அங்கிருந்து நெல்லை உள்ளிட்ட வெளியூர்களுக்கு சென்று வருகின்றனர். இதனால் அவர்கள் பெரிதும் அவதிப்படுகின்றனர். எனவே கொழுமடையில் அனைத்து பஸ்களும் நின்று செல்வதற்கு அதிகாரிகள் நடவடிக்கை எடுப்பார்களா?.

ஆதரவு: 0

Enter Name and Email

Error in submitting

29 Jan 2023 9:14 AM GMT

ஜெரோ | அம்பாசமுத்திரம்

#26159

கூடுதல் பஸ் இயக்கப்படுமா?

நெல்லை மாவட்டம் சேரன்மாதேவியில் இருந்து பத்தமடை, செவல் வழியாக நெல்லைக்கு காலையில் போதிய பஸ்கள் இயக்கப்படவில்லை. இதனால் பஸ்சின் படிக்கட்டுகளில் தொங்கியவாறு ஆபத்தான முறையில் பொதுமக்கள், மாணவ-மாணவிகள் பயணம் செய்கின்றனர். எனவே அந்த வழித்தடத்தில் காலையில் கூடுதல் பஸ்களை இயக்குவதற்கு அதிகாரிகள் ஏற்பாடு செய்வார்களா?.

ஆதரவு: 0

Enter Name and Email

Error in submitting

14 Dec 2022 1:07 PM GMT

சரவணன் | அம்பாசமுத்திரம்

#23569

உரிய வழித்தடத்தில் பஸ் இயக்கப்படுமா?

நெல்லையில் இருந்து திருப்புடைமருதூருக்கு இயக்கப்படும் அரசு டவுன் பஸ் (வழித்தட எண்:- 7 பி) கடந்த சில நாட்களாக சரிவர இயக்கப்படவில்லை. இந்த பஸ் பெரும்பாலும் வீரவநல்லூர் வரை மட்டுமே இயக்கப்படுவதால் பொதுமக்கள் பெரிதும் அவதிப்படுகின்றனர். எனவே, பஸ்சை உரிய வழித்தடத்தில் இயக்குவதற்கு அதிகாரிகள் ஏற்பாடு செய்வார்களா?.

ஆதரவு: 0

Enter Name and Email

Error in submitting

9 Nov 2022 2:48 PM GMT

சுடலைமுத்து | அம்பாசமுத்திரம்

#21296

டவுன் பஸ் சேவை நீட்டிக்கப்படுமா?

நெல்லையில் இருந்து வீரவநல்லூருக்கு இயக்கப்படும் டவுன் பஸ்களில் சிலவற்றை கல்லிடைக்குறிச்சி வரையிலும் நீட்டித்து இயக்க வேண்டும். இதன்மூலம் ஏராளமான மாணவ-மாணவிகள், பொதுமக்கள் பெரிதும் பயனடைவர். இதற்கு அதிகாரிகள் நடவடிக்கை எடுப்பார்களா?

ஆதரவு: 1

Enter Name and Email

Error in submitting

25 Sep 2022 12:51 PM GMT

ஆறுமுகம் | அம்பாசமுத்திரம்

#17152

கூடுதல் பஸ்கள் வேண்டும்

சேரன்மாதேவியில் இருந்து நெல்லைக்கு காலை மற்றும் மாலை நேரங்களில் அதிகளவில் மாணவ-மாணவிகள், வேலைக்கு செல்வோர் செல்கின்றனர். ஆனால் போதிய பஸ் வசதி இல்லாமல் சிரமப்படுகின்றனர். எனவே காலை மற்றும் மாலை நேரங்களில் கூடுதல் பஸ்கள் இயக்க நடவடிக்கை எடுக்க கேட்டுக்கொள்கிறேன்.

ஆதரவு: 0

Enter Name and Email

Error in submitting

20 Sep 2022 1:22 PM GMT

முப்புடாதி முத்து | அம்பாசமுத்திரம்

#16129

ரெயில் கட்டணம் குறையுமா?

நெல்லை-செங்கோட்டை ரெயிலில் முன்பு குறைந்தபட்ச கட்டணம் ரூ.10 வசூலிக்கப்பட்டு வந்தது. ஆனால், கொரோனா ஊரடங்கு தளர்வுக்கு பிறகு அந்த ரெயிலில் குறைந்தபட்ச கட்டணம் ரூ.30 வசூலிக்கப்படுகிறது. இதனால் பயணிகள் பெரிதும் சிரமப்படுகின்றனர். எனவே, முன்பு போல் ரெயில் கட்டணத்தை வசூலிக்க அதிகாரிகள் நடவடிக்கை எடுப்பார்களா?

ஆதரவு: 0

Enter Name and Email

Error in submitting

16 Sep 2022 12:57 PM GMT

முத்துராமன் | அம்பாசமுத்திரம்

#15259

கூடுதல் பஸ்கள் இயக்கப்படுமா?

சேரன்மாதேவி பஸ் நிலையத்தில் இருந்து தெற்கு மார்க்கமாக, அதாவது கங்கனான்குளம், பத்மநேரி, களக்காடு, வள்ளியூர், நாகர்கோவில் உள்ளிட்ட இடங்களுக்கு செல்ல மாலை நேரத்தில் அரசு பஸ்கள் குறைந்த அளவே இயக்கப்படுகின்றன. மேலும் ஒருசில பஸ்கள் சரியான நேரத்துக்கும் வருவது இல்லை. இதனால் அந்த ஊர்களுக்கு செல்ல வேண்டிய கல்லூரி மாணவ-மாணவிகள், அரசு, தனியார் ஊழியர்கள் உள்ளிட்ட அனைத்து தரப்பு பயணிகளும் பஸ்சுக்காக நீண்ட நேரம் காத்திருக்க வேண்டிய நிலை உள்ளது. எனவே, கூடுதல் பஸ்கள் இயக்கவும், சரியான நேரத்துக்கு பஸ்கள் வந்து...

ஆதரவு: 0

Enter Name and Email

Error in submitting

12 Sep 2022 12:53 PM GMT

சிவபாலன் | அம்பாசமுத்திரம்

#14441

புதிய பாலம் அமைக்க வேண்டும்

பாப்பாக்குடி யூனியன் பழவூர் பஞ்சாயத்து 6-வது வார்டு தெற்கூர் மெயின் ரோட்டில் உள்ள ஓடை பாலம் சேதமடைந்த நிலையில் உள்ளது. இந்த பாலத்தின் நடுவில் பெரிய துவாரம் விழுந்ததால், அதன் ஓரத்தில் இருசக்கர வாகனங்கள், ஆட்டோ போன்றவை ஆபத்தான முறையில் கடந்து செல்கின்றன. மற்ற வாகனங்களில் அவசர காலங்களில் கூட ஊருக்குள் செல்ல முடியாததால் மக்கள் அவதிப்படுகின்றனர். எனவே அங்கு புதிய பாலம் கட்டுவதற்கு அதிகாரிகள் நடவடிக்கை மேற்கொள்ள கேட்டு கொள்கிறேன்.

ஆதரவு: 1

Enter Name and Email

Error in submitting

31 Aug 2022 8:16 AM GMT

சுந்தர் | அம்பாசமுத்திரம்

#11831

ரெயில் புறப்படும் நேரம்

நெல்லை சந்திப்பில் இருந்து தினமும் மாலையில் செங்கோட்டைக்கு புறப்படும் ரெயில் நேரத்தை 6.30 மணிக்கு மாற்றி அமைத்தால் அரசு, தனியார் நிறுவனங்கள் மற்றும் கூலி வேலைக்கு சென்று வருபவர்களுக்கு மிகவும் பயனுள்ளதாக இருக்கும். இதற்கு ரெயில்வே நிர்வாகம் நடவடிக்கை எடுக்க வேண்டுகிறேன்.

ஆதரவு: 0