கரூர் மாவட்டம், வேலாயுதம்பாளையத்தில் இருந்து புன்னம்சத்திரம் வரும் சாலை ஈரோடு- கரூர் செல்லும் நெடுஞ்சாலையில் இணைகிறது. இந்நிலையில் ஈரோடு-கரூர், கரூர்-ஈரோடு செல்லும் சாலைகளில் வாகனங்கள் அதிவேகமாக செல்வதால் வேலாயுதம்பாளையம், காகிதாலை பகுதியில் இருந்து வரும் வாகனங்கள் புன்னம்சத்திரத்தில் உள்ள நெடுஞ்சாலையில் இணையும்போது அடிக்கடி விபத்து ஏற்பட்டு வருகிறது. எனவே இப்பகுதியில் ரவுண்டானா அமைத்து விபத்தினை தடுக்க வேண்டும் என கேட்டுக்கொள்கிறோம்.