நிலக்கோட்டை மற்றும் சுற்றுவட்டார கிராமங்களை சேர்ந்த பொதுமக்கள், பள்ளி, கல்லூரி மாணவ-மாணவிகள், நிலக்கோட்டை பஸ் நிலையத்தில் இருந்து திண்டுக்கல்லுக்கு சென்று வருகின்றனர். இந்தநிலையில் கடந்த சில மாதங்களாகவே நிலக்கோட்டை-திண்டுக்கல் இடையே போதிய பஸ்கள் இயக்கப்படவில்லை என்று பொதுமக்கள் குற்றம்சாட்டியுள்ளனர். இதனால் பஸ் நிலையத்தில் மணிக்கணக்கில் பயணிகள் காத்திருக்க வேண்டிய சூழல் உள்ளது. எனவே நிலக்கோட்டை-திண்டுக்கல் இடையே கூடுதல் பஸ்கள் இயக்க அரசு போக்குவரத்துக்கழக அதிகாரிகள் நடவடிக்கை எடுப்பார்களா?