நாமக்கல் - திருச்சி சாலையில் ரமேஷ் தியேட்டர் பஸ்நிறுத்தம் உள்ளது. இங்குதான் நாமக்கல் அரசு பெண்கள் கல்லூரியில் படிக்கும் மாணவிகள் பஸ்சில் ஏறி செல்வார்கள். இந்த பஸ்நிறுத்தம் அருகே நிழற்குடை ஒன்று உள்ளது. இந்த நிழற்குடை முன்பு பஸ்கள் நிற்பது இல்லை. மாறாக 100 மீட்டர் முன்பாக பஸ்கள் நிறுத்தப்படுகின்றன. எனவே மாணவிகள் சாலையோரம் நின்று பஸ்சில் ஏறி செல்வார்கள். இந்த நிழற்குடையை எப்போதும் வியாபாரிகள் ஆக்கிரமித்து உள்ளனர். இந்த நிழற்குடை முன்பு பஸ்கள் நின்று செல்லவும், நிழற்குடையை பயன்பாட்டிற்கு கொண்டு வரவும் சம்பந்தப்பட்ட அதிகாரிகள் நடவடிக்கை எடுக்க வேண்டும்.