கரூர் மாவட்டம், புகழூர் வட்டம், நஞ்சைபுகழூர், தவிட்டுப்பாளையம் ஆகிய பகுதிகளில் கரூர் மாவட்டத்தில் இருந்து பரமத்தி வேலூர், திருச்செங்கோடு, நாமக்கல், சேலம் செல்லும் தனியார் பஸ்கள் நின்று செல்வதில்லை. பல ஆண்டுகளாக நின்று சென்ற பஸ்கள் கூட இங்கு நிற்பதில்லை. ஏன் பஸ்கள் நின்று பயணிகளை ஏற்றிச்செல்வதில்லை என்று கேட்டால், நேரமில்லை என்று பதில் அளிக்கிறார்கள். இதனால் இப்பகுதி மக்கள் வெளியூர் சென்றுவர பெரிதும் அவதிப்பட்டு வருகின்றனர். எனவே இதுகுறித்து சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும் என கேட்டுக்கொள்கிறோம்.