கரூர் மாவட்டம், புன்னம்சத்திரத்தில் கரூர்- ஈரோடு செல்லும் சாலையில் ஏராளமான தனியார் மற்றும் அரசு பஸ்கள், பல்வேறு வகையான லாரிகள், கார்கள், வேன்கள், டிராக்டர்கள், இரு சக்கர வாகனங்கள் என ஏராளமான வாகனங்கள் சென்று வருகின்றன. இந்நிலையில் வேலாயுதம்பாளையம்- புன்னம் சத்திரம் சாலை வழியாக காகித ஆலையில் இருந்து பல்வேறு வகையான வாகனங்கள் காகித நூல்கள் மற்றும் பேப்பர்களை ஏற்றிக்கொண்டு வருகின்றன. அதேபோல் பல்வேறு பகுதியில் இருந்து பல்வேறு பொருட்களை ஏற்றிக்கொண்டு லாரிகள் சென்று வருகின்றன. எனவே வேலாயுதம்பாளையம் பிரிவு சாலை பகுதியில் அடிக்கடி விபத்து ஏற்பட்டு வருகிறது. இதனை கருத்தில் கொண்டு புன்னம் சத்திரத்தில் காகித ஆலை பிரிவு சாலை உள்ள பகுதியில் ரவுண்டானா அமைக்க சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.