தேனி பாரஸ்ட்ரோடு, என்.ஆர்.டி. நகர், கே.ஆர்.ஆர். நகர் ஆகிய பகுதிகளில் உள்ள சாலைகளில் ஆங்காங்கே வேகத்தடைகள் அமைக்கப்பட்டுள்ளன. ஆனால், இந்த வேகத்தடைகள் இருப்பதை அடையாளப்படுத்த வெள்ளைநிற கோடுகள் வரையப்படாமல் உள்ளது. இதனால் இருசக்கர வாகன ஓட்டிகள் வேகத்தடை இருப்பது தெரியாமல் அடிக்கடி விபத்துகளில் சிக்கி வருகின்றனர். எனவே, விபத்து தடுப்பு நடவடிக்கையாக வேகத்தடைகளில் வெள்ளை நிற கோடுகள் வரைய சம்பந்தப்பட்ட அதிகாரிகள் நடவடிக்கை எடுக்க வேண்டும்.