தஞ்சை மாவட்டம் பாபநாசத்தை அடுத்த மெலட்டூரில் பயணிகள் நிழற்குடை உள்ளது. இது முறையான பராமரிப்பின்றி சேதமடைந்து காணப்படுகிறது. நிழற்குடையில் உள்ள இருக்கைகள் முழுவதும் சேதமடைந்து உள்ளன. இதனால் பயணிகள் அமர்வதற்கு வழியின்றி நின்றபடி பஸ்சுக்காக காத்திருக்கின்றனர். மேலும், நிழற்குடை கட்டிடத்தில் சிமெண்டு காரைகள் பெயர்ந்தும், விரிசல்கள் ஏற்பட்டும் காணப்படுகிறது. இதன்காரணமாக பயணிகள் நிழற்குடை எப்போது வேண்டுமானாலும் கீழே விழும் சூழல் உள்ளது. எனவே, சம்பந்தப்பட்ட அதிகாரிகள் பயணிகள் நிழற்குடை சீரமைக்க நடவடிக்கை எடுப்பார்களா?