வத்தலக்குண்டு நகரின் முக்கிய பகுதிகளில் ஆக்கிரமிப்புகளால் போக்குவரத்து நெரிசல் ஏற்பட்டு வந்தது. இதையடுத்து கடந்த வாரம் பெரியகுளம் சாலை, மெயின் ரோடு, மதுரை சாலை, திண்டுக்கல் சாலை ஆகிய இடங்களில் ஆக்கிரமிப்புகள் அகற்றப்பட்டன. இருப்பினும் போக்குவரத்து நெரிசல் குறைந்தபாடில்லை. இதற்கு சாலையில் இடையூறாக உள்ள மின்கம்பங்களே காரணம். எனவே போக்குவரத்துக்கு இடையூறாக உள்ள மின்கம்பங்களை ஓரமாக மாற்றியமைக்க நடவடிக்கை எடுக்க வேண்டும்.