நாமக்கல்லில் இருந்து ராசிபுரத்திற்கு அரசு போக்குவரத்து கழகம் சார்பில் டவுன் பஸ்கள் இயக்கப்பட்டு வருகின்றன. அதில் பொம்மகுட்டைமேடு, செல்லப்பம்பட்டி, புதன் சந்தை, கலங்காணி, புதுச்சத்திரம், பாச்சல் பகுதிகளை சேர்ந்த பொதுமக்கள் மற்றும் மாணவ மாணவிகள் பயணம் மேற்கொண்டு வருகின்றனர். அந்த பஸ்கள் மூலம் ராசிபுரம் அருகே ஆண்டகளூர்கேட்டில் இருக்கும் அரசு கலைக் கல்லூரிக்கு ஏராளமான மாணவ மாணவிகள் வந்து செல்கின்றனர். கல்லூரி நேரங்களில் போதிய பஸ் வசதி இல்லாததால் நீண்ட நேரம் காத்திருக்க வேண்டிய சூழல் உள்ளது. அதை தவிர்க்க அந்த நேரங்களில் கூடுதல் பஸ்கள் இயக்க வேண்டும்.