திருவள்ளூர் மாவட்டம் திருநின்றவூர் நகராட்சிக்குட்பட்ட வார்டு 11 பகுதியில் கடந்த சில மாதங்களாக குடிநீரில் கழிவுநீர் கலந்து வருகிறது. மிகுந்த துர்நாற்றமும் வீசுகிறது. சரிசெய்வதற்காக ஆங்காங்கே பள்ளங்கள் தோண்டப்பட்டு அப்படியே போடப்பட்டுள்ளது. இருப்பினும் குடிநீர் தற்போது வரை சரிவர வருவதும் இல்லை. எனவே சம்பந்தப்பட்ட அதிகாரிகள் நடவடிக்கை எடுத்து தரமான குடிநீர் கிடைக்கவும், தோண்டப்பட்ட பள்ளங்களை சரிசெய்யவும் வேண்டுமென அப்பகுதி மக்கள் எதிர்பார்க்கின்றனர்.