செங்கல்பட்டு ரெயில் நிலையத்தில் இருந்து தினமும் ஏராளமான பயணிகள் ரெயில் பயணம் மேற்கொள்கின்றனர். ஆனால் அங்கு உள்ள கழிவறை சரியாக பராமரிக்கப்படாமல் பூட்டி வைக்கப்பட்டுள்ளது. இதனால் ரெயில் நிலையம் வரும் பயணிகள் ரெயில் நிலைய பகுதியை சுற்றி சிறுநீர் கழிக்கின்றனர். இதனால் அந்த பகுதியில் அதிக அளவு துர்நாற்றம் வீசுகிறது. இங்கு வரும் பயணிகளுக்கு நோய் தொற்று பரவும் அபாயம் உள்ளது. மேலும், அந்த பகுதியை கடந்து செல்லும் பயணிகள் மூக்கை பொத்தி கொண்டு செல்லும் அவல நிலை உள்ளது. எனவே, ரெயில்வே நிர்வாகம் கழிவறையை திறக்க நடவடிக்கை எடுக்க வேண்டும்.