குடிநீர் குழாய் உடைப்பு

திருச்சி கண்டோன்மெண்ட் பென்வெல்ஸ் சாலை அலெக்சாண்டரியா சாலை சந்திப்பு பகுதியில் குடிநீர் குழாய் உடைந்து தண்ணீர் சாலையில் தேங்கி நிற்கிறது. இதனால் காலை வேளையில் அந்த வழியாக செல்லும் வாகன ஓட்டிகளும், பாதசாரிகளும் கடும் அவதிக்குள்ளாகி வருகின்றனர். எனவே சேதமடைந்த குடிநீர் குழாயை சீரமைத்து குடிநீர் வீணாவதை தடுத்து, தடையற்ற குடிநீர் வினியோகத்தை உறுதி செய்ய சம்பந்தப்பட்ட அதிகாரிகள் விரைந்து நடவடிக்கை எடுக்க வேண்டும்.