உபரிநீர் கால்வாயை தூர்வார வேண்டும்

கரூர் மாவட்டம் பேச்சிப்பாறை பகுதியில் இருந்து நடையனூர், கோம்புப்பாளையம் வழியாக புகழூர் வாய்க்காலில் கலக்கும் வகையில் உபரிநீர் கால்வாய் கடந்த பல ஆண்டுகளுக்கு முன்பு வெட்டப்பட்டது. இந்த கால்வாய் வழியாக விவசாய நிலங்களில் இருந்து வெளியேறும் உபரிநீரும், மழைநீரும் சென்று புகழூர் வாய்க்காலில் கலக்கிறது. இந்நிலையில் ஒரு குறிப்பிட்ட பகுதியில் மட்டும் உபரிநீர் கால்வாய் தூர்வாரப்பட்ட நிலையில், நடையனூர் அரசு உதவிபெறும் பள்ளி பின்புறம் கால்வாயில் ஏராளமான செடி, கொடிகள் முளைத்து ஆக்கிரமித்துள்ளது. இந்த செடி, கொடிகளால் கொசுக்கள் உற்பத்தியாகி பொதுமக்களுக்கு நோய்த்தொற்று ஏற்படுவதுடன், கால்வாயில் தண்ணீர் செல்வதில் சிரமம் ஏற்பட்டுள்ளது. எனவே உபரிநீர் கால்வாயை முற்றிலும் தூர்வார சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.