‘தினத்தந்தி’ புகார் பெட்டிக்கு நன்றி

திருச்சி மாவட்டம் சமயபுரம் மாரியம்மன் கோவிலுக்கு தினமும் வெளியூர் மற்றும் வெளி மாநிலங்களில் இருந்து ஏராளமான பக்தர்கள் வந்து செல்கின்றனர். பொதுமக்கள் மற்றும் பக்தர்களின் குடிநீர் தேவையை பூர்த்தி செய்யும் வகையில் பேரூராட்சியின் சார்பில் பஸ் நிறுத்தத்தில் நீர்த்தேக்க தொட்டி அமைக்கப்பட்டு உள்ளது. இந்நிலையில் இந்த நீர்த்தேக்க தொட்டி சிதிலமடைந்து பயன்படுத்த முடியாத நிலையில் உள்ளது என ‘தினத்தந்தி’ புகார் பெட்டியில் செய்தி வெளியிடப்பட்டது. இதைத்தொடர்ந்து ச.கண்ணனூர் பேரூராட்சி அதிகாரிகள் விரைந்து நடவடிக்கை எடுத்து நீர்த்தேக்க தொட்டியை சரி செய்து பயன்பாட்டிற்கு கொண்டு வந்தனர். இதற்கு செய்தி வெளியிட்ட ‘தினத்தந்தி’ புகார் பெட்டிக்கும், நடவடிக்கை எடுத்த அதிகாரிகளுக்கும் பொதுமக்கள், பக்தர்கள் நன்றி தெரிவித்தனர்.