சாலையில் தேங்கும் குடிநீர்

திருப்பூர் மங்கலம் சாலையில் பாரப்பாளையம் மாநகராட்சி நடுநிலைப்பள்ளி அருகே குழாய் உடைந்து குடிநீர் வீணாகி வருகிறது. குடிநீர் சாலையோரம் குளம் போல் தேங்கியுள்ளதால் நடந்து செல்வோர் மிகுந்த சிரமத்திற்குள்ளாகி வருகின்றனர். குழாய் உடைப்பு பெரிதானால் அந்த பகுதியில் போக்குவரத்து பாதிப்பு மற்றும் குடிநீர் தட்டுப்பாடு ஏற்பட வாய்ப்பு உள்ளது. இதுகுறித்து மாநகராட்சி நிர்வாகம் விரைந்து நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.