பராமரிப்பில்லாத மேல்நிலை நீர்தேக்கத்தொட்டி

மயிலாடுதுறை மாவட்டம் தரங்கம்பாடி தாலுகா செம்பனார்கோவில் ஊராட்சி ஒன்றியம் பரசலூர் ஊராட்சியில் சாத்தனூர் கிராமம் உள்ளது. இந்த கிராமத்தில் பொதுமக்கள் வசதிக்காக மேல்நிலை நீர் தேக்கத்தொட்டி அமைக்கப்பட்டது. இந்த தொட்டி முறையான பராமரிப்பின்றி சேதமடைந்து காணப்படுகிறது. தொட்டியில் கான்கிரீட் பெயர்ந்து விரிசல்கள் ஏற்பட்டுள்ளது. மேலும், தொட்டியை சுற்றிலும் மூங்கில் மரங்கள் அடர்ந்து வளர்ந்து இருக்கிறது. இதன்காரணமாக அந்த பகுதி விஷபூச்சிகளின் கூடாரமாக விளங்குகிறது. இதனால் பொதுமக்கள் மேல்நிலை நீர் தேக்கத்தொட்டியை அச்சத்துடன் பயன்படுத்துகின்றனர். எனவே, சம்பந்தப்பட்ட அதிகாரிகள் மேல்நிலை நீர் தேக்கத்தொட்டியை முறையாக பராமரித்து சீரமைக்க நடவடிக்கை எடுக்க வேண்டும்.