சீரான குடிநீர் வினியோகம் செய்யப்படுமா?

புதுக்கோட்டை மாவட்டம், கறம்பக்குடி ஒன்றியம், கறம்பவிடுதி கிராமத்தில் 500-க்கும் மேற்பட்ட பொதுமக்கள் வசித்து வருகின்றனர். இப்பகுதி மக்களுக்கு ஊராட்சி மூலம் குடிநீர் வினியோகம் செய்யப்படுகிறது. இந்த குடிநீர் குழாய்களில் சிலர் மோட்டார் பொருத்தி குடிநீரை உறிஞ்சி எடுக்கின்றனர். இதனால் பல வீடுகளுக்கு குடிநீர் வருவதில்லை. கோடை காலத்தில் குடிநீர் இன்றி பொதுமக்கள் பெரும் சிரமப்படுகின்றனர். எனவே மின் மோட்டார் மூலம் குடிநீர் திருடுவதை தடுத்து, சீரான குடிநீர் வினியோகம் செய்ய சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.