தண்ணீர் - Page 103

குமாரபாளையம் தாலுகா தட்டாங்குட்டை ஊராட்சிக்குட்பட்ட கீரிகாடு கிராமம் உள்ளது. இந்த பகுதியில் சுமார் 25-க்கும் மேற்பட்ட குடும்பங்கள் வசித்து வருகின்றன. 25 வீடுகளுக்கும் சேர்த்து ஒரு 1,500 லிட்டர் கொள்ளளவு கொண்ட குடிநீர் தொட்டி மட்டுமே உள்ளது. எனவே ஒவ்வொரு குடும்பமும் தண்ணீர் எடுத்து செல்வதற்கு மிகுந்த சிரமமாகவும், தண்ணீர் பற்றாக்குறையும் ஏற்படுகிறது. இது குறித்து சம்பந்தப்பட்ட அதிகாரிகள் விரைந்து குடிநீர் பற்றாக்குறையை சரி செய்ய நடவடிக்கை எடுக்க வேண்டும் என அந்தப்பகுதி மக்கள் கோரிக்கை...

ஆதரவு: 0

Enter Name and Email

Error in submitting

21 April 2024 5:44 PM GMT

Mr.Nagarajan | தருமபுரி

#46207

குடிநீர் வேண்டும்

தர்மபுரி மாவட்டம் நல்லம்பள்ளி அருகே தடங்கம் ஊராட்சிக்குட்பட்ட பெருமாள் கோவில்மேடு பகுதியில் மருதம் நகரில் 100-க்கும் மேற்பட்ட வீடுகள் உள்ளன. இந்த குடியிருப்பு பகுதிகளுக்கு முறையான குடிநீர் வசதி இல்லை. குடிநீரின்றி மக்கள் மிகவும் சிரமம் அடைந்து வருகின்றனர். எனவே, அதிகாரிகள் சம்பந்தப்பட்ட குடியிருப்பு பகுதிக்கு குடிநீர் வசதி ஏற்படுத்தி தர உரிய நடவடிக்கை எடுக்க வேண்டும். -சுமன், நல்லம்பள்ளி.

ஆதரவு: 0

Enter Name and Email

Error in submitting

21 April 2024 5:35 PM GMT

பொதுமக்கள் | ஆத்தூர்

#46202

குடிநீர் தட்டுப்பாடு

ஆத்தூர் தாலுகா வீரக்கல் ஊராட்சிக்கு உட்பட்ட வீ.கூத்தம்பட்டியில் குடிநீர் சீராக வினியோம் செய்யப்படவில்லை. 10 அல்லது 15 நாட்களுக்கு ஒருமுறை குடிநீர் வழங்கப்படுகிறது. தற்போது கோடை வெயிலின் தாக்கம் அதிகரித்துள்ளதால் போதிய குடிநீர் கிடைக்காமல் தட்டுப்பாடு ஏற்பட்டுள்ளது. இதன்காரணமாக பொதுமக்கள் சிரமப்பட்டு வருகின்றனர். எனவே வீ.கூத்தம்பட்டியில் குடிநீர் சீராக வினியோகம் செய்ய ஊராட்சி நிர்வாகம் நடவடிக்கை எடுக்க வேண்டும்.

ஆதரவு: 2

Enter Name and Email

Error in submitting

21 April 2024 5:33 PM GMT

மோகன் | அரூர்

#46200

குடிநீர் குழாயை சரி செய்யலாமே?

தர்மபுரி மாவட்டம் கம்பைநல்லூர் பாலம் அருகே காவிரி நீர் குடிநீர் இணைப்பு குழாய் உள்ளது. இந்த குழாயில் உடைப்பு ஏற்பட்டு சுமார் ஒரு மாதங்களாக தண்ணீர் வீணாகி வருகிறது. மேலும் கோடைக்காலத்தில் குடிநீர் தட்டுப்பாடு இருக்கும் போது குழாய் உடைப்பு ஏற்பட்டு சாலையோரம் தண்ணீர் வீணாக செல்கிறது. எனவே, சம்பந்தப்பட்ட அதிகாரிகள் குடிநீர் குழாயை சரி செய்ய நடவடிக்கை எடுக்க வேண்டும் என்று அப்பகுதி மக்கள் கோரிக்கை வைத்துள்ளனர்.

ஆதரவு: 2

Enter Name and Email

Error in submitting

21 April 2024 5:23 PM GMT

Mr.Nagarajan | ஓசூர்

#46184

குடிநீர் வழங்க வேண்டும்

ஓசூர்- பாகலூர் சாலையில் கே.சி.சி. நகர் என்ற குடியிருப்பு பகுதி உள்ளது. இங்கு 1,500-க்கும் மேற்பட்ட வீடுகள் உள்ளன. இந்த பகுதியில் குடிநீர் தட்டுப்பாடு இருந்து வருகிறது. இந்த பகுதி மக்களுக்கு சுகாதாரமான குடிநீர் கிடைக்காததால் நோய் பரவும் அபாயம் உள்ளது. இந்த பகுதியில் வசிக்கும் மக்கள் பணம் கொடுத்து தண்ணீர் வாங்கி பயன்படுத்துகின்றனர். எனவே, குடிநீர் வழங்க சம்பந்தப்பட்ட அதிகாரிகள் நடவடிக்கை எடுக்க வேண்டும். -முகமது, ஓசூர்.

ஆதரவு: 0

Enter Name and Email

Error in submitting

21 April 2024 4:51 PM GMT

K. RAJANAYAGAM | வேலூர்

#46177

குடிநீரில் கழிவுநீர் கலந்து வரும் அவலம்

வேலூர் சத்துவாச்சாரி பிராமணர் தெரு, வேளாளர் தெருக்களில் ஏராளமான வீடுகள் உள்ளன. இப்பகுதிக்கு காவிரி கூட்டுக்குடிநீர் வினியோகிக்கப்பட்டு வருகிறது. கடந்த சில நாட்களாக வினியோகிக்கப்படும் குடிநீரில் கழிவுநீர் கலந்து வருவதாக பொதுமக்கள் குற்றம் சாட்டுகின்றனர். இதுகுறித்து அதிகாரிகள் நடவடிக்கை எடுக்க வேண்டும். -அர்ஷத்பாஷா, வேலூர்.

ஆதரவு: 0

Enter Name and Email

Error in submitting

21 April 2024 4:36 PM GMT

K. RAJANAYAGAM | திருப்பத்தூர்

#46169

குடிநீர் தொட்டி பயன்பாட்டுக்கு வருமா?

திருப்பத்தூர் அருகே சுருட்டையன் வட்டம் பகுதியில் குடிநீர் தொட்டி பயன்பாடற்ற நிலையில் உள்ளது. இந்தக் குடிநீர் தொட்டியை அந்தப் பகுதியைச் சேர்ந்த பொதுமக்கள் பயன்படுத்தி வந்தனர். தற்போது பயன்பாடு இல்லாமல் உள்ளதால், அந்தப் பகுதி பொதுமக்கள் தண்ணீருக்காக சிரமப்படுகின்றனர். அந்தக் குடிநீர் தொட்டியை சரி செய்து பயன்பாட்டுக்கு கொண்டுவர சம்பந்தப்பட்ட அதிகாரிகள் நடவடிக்கை எடுக்க வேண்டும். -சரிதா, சுருட்டையன் வட்டம்.

ஆதரவு: 0

Enter Name and Email

Error in submitting

21 April 2024 4:22 PM GMT

கிராம மக்கள் | சங்கராபுரம்

#46154

மூடப்படாத கிணறு

சின்னசேலம் பேரூராட்சி சார்பில் இந்திரா நகர் ஏரி பகுதியில் கிணறு அமைக்கப்பட்டுள்ளது. இங்கிருந்து குழாய் மூலம் பொதுமக்களுக்கு குடிநீர் வினியோகம் செய்யப்பட்டு வருகிறது. இந்த கிணற்றுக்கு மூடி அமைக்கப்படாததால் தூசி, குப்பைகள் விழுந்து தண்ணீர் மாசடைந்து வருகிறது. இதன் காரணமாக கிணற்று தண்ணீரை பயன்படுத்த அப்பகுதி மக்கள் அச்சமடைந்து வருகின்றனர். இதை தவிர்க்க கிணற்றை மூடி போட்டு மூட வேண்டியது அவசியம்.

ஆதரவு: 0

Enter Name and Email

Error in submitting

21 April 2024 3:57 PM GMT

K. RAJANAYAGAM | திருவண்ணாமலை

#46143

சுத்திகரிக்கப்பட்ட குடிநீர் கிடைக்குமா?

திருவண்ணாமலை பஸ் நிலையத்துக்கு தினமும் ஏராளமான பயணிகள் வந்து செல்கிறார்கள். அங்குள்ள கடைகளில் ஒரு லிட்டர் குடிநீர் ரூ.30-க்கு விற்பனை செய்யப்படுகிறது. வசதியானவர்கள் வாங்கி குடிக்கலாம். ஏழைகளால் முடியாத காரியமாக உள்ளது. நகராட்சி நிர்வாகம் நடவடிக்கை எடுத்து சுத்திகரிக்கப்பட்ட குடிநீர் வினியோகம் செய்ய வேண்டும். -ஏழுமலை, திருவண்ணாமலை.

ஆதரவு: 0

Enter Name and Email

Error in submitting

21 April 2024 3:45 PM GMT

பொதுமக்கள் | அந்தியூர்

#46137

வீணாகும் குடிநீர்

அந்தியூர் அருகே பிரம்மதேசம் பெத்தாரண்ணன் கோவில் அருகே அந்தியூர்-ஆப்பக்கூடல் மெயின் ரோட்டில் குடிநீர் குழாயில் உடைப்பு ஏற்பட்டது. இதனால் தண்ணீர் வீணாக வெளியேறி வருகிறது. இதன் காரணமாக ரோட்டில் பள்ளம் ஏற்பட்டுள்ளது. இது வாகன ஓட்டிகளுக்கு பாதிப்பை ஏற்படுத்தியுள்ளது. பொதுமக்களும் குடிநீரின்றி அவதிப்பட்டு வருகின்றனர். உடனே குழாய் உடைப்பை சரிசெய்து குடிநீர் வழங்க நடவடிக்கை எடுக்க அதிகாரிகள் முன்வருவார்களா?

ஆதரவு: 1

Enter Name and Email

Error in submitting

21 April 2024 3:40 PM GMT

பொதுமக்கள் | ஈரோடு கிழக்கு

#46134

குடிநீர் தட்டுப்பாடு

ஈரோடு பெரியவலசு திலகர் வீதி பகுதியில் பொது குழாயில் இருந்து தினமும் பல ஆயிரம் லிட்டர் தண்ணீர் நூதன முறையில் உறிஞ்சப்பட்டு வருகிறது. இதனால் அந்த பகுதியில் குடிநீர் தட்டுப்பாடு ஏற்பட்டுள்ளது. பொதுமக்கள் குடிப்பதற்கு தண்ணீரின்றி அவதிப்பட்டு வருகின்றனர். எனவே பொது குழாயில் இருந்து தண்ணீர் உறிஞ்சும் நபர்களை கண்டுபிடிக்கவும், பொதுமக்களுக்கு சீராக குடிநீர் வழங்கவும் அதிகாரிகள் நடவடிக்கை எடுக்க வேண்டும்.

ஆதரவு: 0

Enter Name and Email

Error in submitting

21 April 2024 11:48 AM GMT

நவீன் | குன்னம்

#46085

நிலத்தடி நீர் மட்டம் குறையும் அபாயம்

பெரம்பலூர் மாவட்டம் ஆலத்தூர் மேற்கு ஒன்றியம் தேனூர் கிராமத்தில் பல்வேறு இடங்களில் கருவேல மரங்கள் ஏராளமானவை வளர்ந்துள்ளது. இதனால் நிலத்தடி நீர் மட்டம் குறைந்து கடும் தண்ணீர் தட்டுப்பாட்டு உள்ளது. இதனால் கால்நடைகள் கூட தண்ணீர் கிடைக்காமல் கடும் அவதி அடைந்து வருகின்றனர். எனவே கருவேல மரங்களை அகற்ற சம்பந்தப்பட்ட அதிகாரிகள் நடவடிக்கை எடுக்க வேண்டும் எனஅப்பகுதி பொதுமக்கள் கோரிக்கை விடுத்துள்ளனர்.

ஆதரவு: 0