காட்சி பொருளான மேல்நிலை நீர்த்தேக்க தொட்டி

திருவாரூர் மாவட்டம் கோட்டூர் ஒன்றியம், கர்ணாவூர் கிராமத்தில் ஏராளமானோர் வசித்து வருகின்றனர். இந்த பகுதியில் வசிக்கும் பொதுமக்களின் வசதிக்காக பல ஆண்டுகளுக்கு முன்பு மேல்நிலை நீர்த் தேக்கத்தொட்டி கட்டப்பட்டது. ஆனால் நீண்ட நாட்கள் ஆகியும் தொட்டிக்கான குழாய் இணைப்பு கொடுக்கப்படாமல் உள்ளது. இதனால் அந்த குடிநீர் தொட்டி காட்சி பொருளாகவே உள்ளது. எனவே சம்பந்தப்பட்ட அதிகாரிகள் உரியநடவடிக்கை எடுத்து மேல்நிலை நீர்த்தேக்க தொட்டிக்கான குழாய் இணைப்பை கொடுக்க வேண்டும் என்று பொதுமக்கள் கோரிக்கை விடுத்துள்ளனர்.