குடிநீரில் குளோரின் கலப்பு அதிகரிப்பு

நெல்லை மாநகராட்சி சார்பில் தாமிரபரணி ஆற்றில் உறைகிணறுகள் அமைத்து, அதில் இருந்து குடிநீர் எடுத்து பொதுமக்களுக்கு குழாய்கள் மூலம் வினியோகம் செய்யப்படுகிறது. பொதுமக்கள் சுகாதாரத்தை பேணும் வகையில் இந்த குடிநீரில் குளோரின் பொடி கலக்கப்படுகிறது. ஆனால் கடந்த சில நாட்களாக தச்சநல்லூர் மண்டலம் சிந்துபூந்துறை உள்ளிட்ட பகுதிகளுக்கு வினியோகம் செய்யப்படும் குடிநீரில் குளோரின் அளவு அதிகமாக உள்ளது. இதனால் அந்த குடிநீரை குடிக்க முடியாமல் பொதுமக்கள் அவதிப்படுகிறார்கள். எனவே, தேவையான அளவுக்கு, சரிவிகித அளவில் மட்டுமே குளோரின் கலப்பதை அதிகாரிகள் கண்காணித்து உரிய நடவடிக்கை எடுக்க வேண்டும்.