தாமிரபரணி குடிநீர் வினியோகம்

நெல்லை மாவட்டம் நாங்குநேரி யூனியன் பாப்பான்குளம் பஞ்சாயத்துக்கு உட்பட்ட ஆலங்குளம் மற்றும் கண்மணியன்குடியிருப்பு கிராமங்களில் தாமிரபரணி கூட்டு குடிநீர் திட்டத்தின் கீழ் சுமார் 2 கிலோமீட்டர் தூரம் வரை குழாய் பதிக்கப்பட்டு கடந்த 10 வருடங்களுக்கு மேலாகியும் இதுவரை தாமிரபரணி குடிநீர் வினியோகம் செய்யப்படவில்லை. பொதுமக்கள் அனைவரும் உப்பு கலந்த ஆழ்குழாய் தண்ணீரையே குடிநீராக பயன்படுத்தி வருகின்றனர். இதனால் மக்களுக்கு சிறுநீரக பாதிப்பு ஏற்படுகிறது. எனவே, தாமிரபரணி குடிநீர் கிடைக்க அதிகாரிகள் நடவடிக்கை எடுக்க கேட்டுக் கொள்கிறேன்.