காட்சி பொருளான நீர்த்தேக்க தொட்டி

நெல்லை மாவட்டம் சேரன்மாதேவி ஒன்றியம் தெற்கு வீரவநல்லூர் பஞ்சாயத்து அழகப்பபுரம் கிராமம் நாராயணசாமி கோவில் தெருவில் இரும்பு கம்பிகளால் மூடப்பட்ட பொது கிணறு உள்ளது. அந்த கிணற்றில் இருந்து மின்மோட்டார் மூலம் தண்ணீர் உறிஞ்சப்பட்டு, அருகில் உள்ள நீர்த்தேக்க தொட்டிக்கு ஏற்றப்படுகிறது. அதில் இருந்து நல்லிகள் மூலம் பொதுமக்கள் தண்ணீர் பிடித்து வந்தனர். இந்த நிலையில் கடந்த 6 மாதங்களாக மின்மோட்டார் பழுதாகி கிடப்பதால் தண்ணீர் தொட்டியும் காட்சிப்பொருளாக இருப்பதுடன், மின்மோட்டார் அறையும் சுகாதாரமற்ற நிலையில் உள்ளது. எனவே மின்மோட்டாரை சரிசெய்து மக்கள் பயன்பாட்டுக்கு கொண்டு வர அதிகாரிகள் நடவடிக்கை எடுக்க வேண்டும்.