குடிநீர் பற்றாக்குறை

புதுக்கோட்டை மாவட்டம் முள்ளூர் பஞ்சாயத்துக்கு உட்பட்ட கரையப்பட்டி கிராமத்தில் ஏராளமான மக்கள் வசித்து வருகின்றனர். இந்த நிலையில் கடந்த 6 மாதங்களாக இப்பகுதியில் குடிநீர் பற்றாக்குறை ஏற்பட்டுள்ளது. இதனால் பள்ளி, கல்லூரி செல்லும் மாணவ-மாணவிகள், வேலைக்கு செல்பவர்கள் குறித்த நேரத்திற்கு செல்ல முடியாத நிலை ஏற்பட்டுள்ளதால் அவர்கள் பெரிதும் அவதிப்பட்டு வருகின்றனர். மேலும் இப்பகுதியில் வினியோகம் செய்யப்படும் காவிரி ஆற்று குடிநீர் கலங்காக வினியோகம் செய்யப்படுவதால் அதனை குடிக்க பயன்படுத்த முடியாத நிலை ஏற்பட்டுள்ளது. எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம்.