சேதமடைந்த குடிநீர் தொட்டி

கரூர் மாவட்டம், மாங்காசோளிபாளையம் ரெயில்வே கேட் அருகே அப்பகுதி மக்கள் தேவைக்காக குடிநீர் தொட்டி அமைக்கப்பட்டது. இதனை அப்பகுதி பொதுமக்கள் பயன்படுத்தி வந்தனர். இந்தநிலையில் குடிநீர் தொட்டி தாங்கி நிற்கும் சுவர்கள் விரிசல் ஏற்பட்டு எப்போது வேண்டுமானாலும் குடிநீர் தொட்டி கீழே விழும் நிலையில் ஆபத்தாக உள்ளன. இதனால் தற்போது குடிநீர் வருவதும் நிறுத்தப்பட்டுள்ளது. எனவே சம்பந்தப்பட்ட அதிகாரிகள் சேதமடைந்த தொட்டியை சரி செய்ய நடவடிக்கை எடுக்க வேண்டும் என அப்பகுதி பொதுமக்கள், சமூக ஆர்வலர்கள் கோரிக்கை விடுத்துள்ளனர்.