குடிநீர் தொட்டி பயன்பாட்டிற்கு வருமா?

புதுக்கோட்டை மாவட்டம், கந்தவர்கோட்டை தாலுகா கண்ணுக்குடிப்பட்டி கிராமத்தில் குடிநீர் தொட்டி ஒன்று கட்டப்பட்டது. இந்த தொட்டியில் இருந்து அப்பகுதி பொதுமக்களுக்கு நீண்ட நாட்களாக குடிநீர் வினியோகம் செய்யப்பட்டு வந்தனர். இந்தநிலையில் அந்த குடிநீர் தொட்டியை தனிநபர் ஆக்கிரமித்து வைத்து கொண்டதாக கூறப்படுகிறது. இதனால் குடிநீர் தொட்டி பயன்பாட்டில் இல்லாமல் உள்ளது. இதனால் பொதுமக்கள் குடிநீர் கிடைக்காமல் அவதி அடைந்து வருகின்றனர். எனவே சம்பந்தப்பட்ட அதிகாரிகள் நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.